What Works: Tourism – 14. október í raun og rafheimum
Áhrif heimsfaraldursins hafa varpað skýru ljósi á að ferðaþjónustan er ekki einungis mikilvæg í efnahagslegu tilliti, heldur er hún drifkraftur framfara víðsvegar um heim. Ráðstefnan What Works er á vegum Social Progress Imperative-stofnunarinnar (SPI) og fyrirtækisins Cognitio, fulltrúa hennar hér á landi.
Í ár verður ráðstefnan haldin í samvinnu við Íslenska ferðaklasann og af því tilefni er sjónum beint að ferðaþjónustunni. Fjöldi stuðningsaðila kemur að ráðstefnunni. Má þar helst nefna forsætisráðuneytið, World Travel and Tourism Council, Ferðamálastofu, Icelandair, Landsbankann, Markaðsstofu Reykjaness, Háskóla Íslands, Kadeco, Landsvirkjun, Viðskiptaráð og Iceland Monitor.
Seiglan og nýsköpunin í ferðaþjónustunni gerir það að verkum að greinin mun ná sér á strik aftur og margir eru farnir að ferðast á ný. Þá er spurningin hvernig tekst okkur að snúa þeim áskorunum sem fylgja Covid-19 í tækifæri fyrir ferðaþjónustuna til uppbyggingar á sjálfbæran hátt. Hvernig getum við stuðlað að því að félagslegir og umhverfishvatar séu í hjarta enduruppbyggingarinnar.
Hér má lesa umfjöllun um ráðstefnuna í tveimur viðtölum að undanförnu,
Hvað virkar í ferðaþjónustu? Rósbjörg Jónsdóttir mbl (3.október)
„Líkt og áður verður á ráðstefnunni horft til þeirra þátta sem virka þegar samfélög eru byggð upp og „hvernig er hægt að skapa fólki tækifæri til að lifa því lífi sem það kýs að lifa“, að sögn Rósbjargar. „Hvaða áhrif hefur ferðaþjónustan á félagslegar framfarir? Hún hefur meðal annars umtalsverð áhrif á uppbyggingu innviða, skapar tækifæri fyrir alla, þar sem fjölbreytileikinn er til staðar og er atvinnuskapandi,“ segir Rósbjörg og bætir við: „Ferðaþjónustan er og verður drifkraftur, drifin áfram af fólki fyrir fólk sem sækist eftir einstakri upplifun og framúrskarandi þjónustu. Það er því mikilvægt að ígrunda hvernig framkvæma má slíka upplifun með þætti sjálfbærni að leiðarljósi.“
What Works Tourism-ráðstefnan mun horfa á áhrif ferðaþjónustunnar í alþjóðlegu samhengi þar sem verða fyrirlestrar, samtöl sérfræðinga og vinnustofur. Lagðar verða fram tillögur að úrlausnum og leiðum til árangurs.
Ferðaþjónusta í breyttri heimsmynd – Ásta Kristín Sigurjónsdóttir mbl (9.október)
„Ferðaþjónustan er, eins og við segjum alltaf, framkvæmd af fólki fyrir fólk og þó svo að við séum alltaf að hugsa um nýjar og snertilausar lausnir þá, í lok dags, snýst þetta alltaf um fólk að veita þjónustu og einstaka upplifun.“
Þá hafi heimsfaraldurinn tímabundið gert rekstrarumhverfi greinarinnar nánast óbærilegt.
„Við erum að sjá það að það er ekki einungis fjárhagslegur vandi sem stjórnendur í ferðaþjónustu standa frammi fyrir heldur er líka erfitt fyrir mörg ferðaþjónustufyrirtæki að fá starfsmenn aftur inn í greinina. Það er bæði ótti um að svona geti gerst aftur og starfsöryggi sé ekki tryggt,“ segir hún. Þar að auki sé verið að biðja þá starfsmenn um að vera „framar í víglínunni“ með því að vera innan um fólk sem er nýlega komið hingað til lands.
Heimsfaraldurinn er þó ekki eina áskorunin sem ferðaþjónustan hefur staðið frammi fyrir, enda er ljóst að loftslagsváin mun hafa enn meiri áhrif á greinina en hún hefur hingað til. Ásta segir Íslenska ferðaklasann mikið rætt lausnir og á ráðstefnunni verði sérstakt erindi tileinkað framtíðinni.
Skráning á ráðstefnuna er í fullum gangi en við biðjum klasafélga okkar um að hafa samband við okkur (arni@icelandtourism.is) ef þið hafið áhuga á því að skrá ykkur á ráðstefnuna. Hér er ekki einungis um enn eina ráðstefnuna að ræða heldur virkilega góða endurmenntun, tengslamyndun og þekkingayfirfærslu milli aðila í greininni sem er okkur svo mikilvæg á þessari stundu.
Covid-19 hit the travel and tourism industry harder than any other sector, yet we know that this industry is not just crucial to many economies around the world, but it is also an important accelerator of social progress. At the same time, it has become very apparent that less human activity and pressure on our environment is a good thing and can have a positive impact on pollution, global warming and other climate change effects. This sector is a driving force when it comes to job creation and it can help to build up infrastructure and improve the social system every society needs to prosper.
With its resilience and its innovation, we know that people will travel again -many already are- so the question becomes how do you turn this crisis into an opportunity to build back inclusively and sustainably? How do we make sure social and environmental concerns are at the heart of recovery efforts? How do we identify, replicate and scale What Works?
