Í kjölfar aðalfundar Íslenska ferðaklasans sem haldinn var þann 28. maí síðastliðinn var vorfundur Ferðaklasans haldinn í Húsi ferðaklasans að Fiskislóð 10.
Eliza Reid, forsetafrú Íslands og velgjörðarsendiherra ferðamennsku og sjálfbærrar þróunar hjá Ferðamálastofnun Sameinuðu þjóðanna opnaði fundinn með ávarpi þar sem hún ræddi um mikilvægt samspil ferðaþjónustu og umhverfisverndar.
Í kjölfarið tók Sævar Helgi Bragason, umhverfis og stjörnufræðingur til máls þar sem hann ræddi um framtíð ferðaþjónustu með tilliti til umhverfismála og hvað ferðaþjónustuaðilar gætu áorkað með því að setja umhverfismál í öndvegi.
Arndís Soffía Sigurðardóttir eigandi Smáratúns í Fljótshlíð ræddi því næst um árangursríka umhverfisstefnu Smáratúns og benti fyrirtækjum á hvernig hægt væri að draga úr rekstrarkostnaði með því að setja umhverfismálin í forgang.
Að lokum sagði Kristín Helga Gunnarsdóttir, rithöfundur og leiðsögumaður frá vangaveltum sínum um ónýt kerfi og jarðræna hugsun.
Hermann Ottósson ráðgjafi stýrði fundinum.